تعلم جذع وأوراق وقواعد تثبيت الورود العملاقة
Stem_base by noon
What you will learn
أهلا بيكم في كورس Stem_base by noon ، الكورس الأول باللغة العربية للتدريب على عمل جذع الورود العملاقة بخامات متوفرة في كل مكان
الكورس مخصص لمحبي حرفة الورود الورقية العملاقة
هنتعلم في الكورس ده ٣ حاجات أساسية
أولا الجذوع ، أنوعها ،وميزة وعيب كل نوع وطبعا طريقة تشكيلها
ثانيا ورق الشجر بخامتين مختلفتين ، بالإضافة إلى طريقة تثبيت الأوراق على الجذوع
ثالثا قواعد التثبيت ، أنواعها واحجامها وطريقة صناعتها
Why take this course?
إزاي بتعملي جذع الوردة؟ أكتر سؤال وصلني حتى الآن ، علشان كدة عملتلكم الكورس ده
Stem_base by noon
مش بس هتعرفي جذع الوردة وطريقة عمله، لأ كمان الاوراق وقواعد التثبيت ، وكل ده بخامات متوفرة في كل مكان .
في كورس مدته ساعة ونص تقريبا ،لكن هيحل ليكي مشاكل كتير بتواجهيها في صناعة الورود الورقية العملاقة .
أنا نبيلة ،أم ،وطبيبة ومحبة للفنون والأشغال اليدوية ،ومؤسسة صفحة سر الورد المكنون
حبيت حرفة الورود الورقية العملاقة من سنوات.
قمت بعمل العديد من الورش التفاعلية الحضورية ،لكن كتير من متابعاتي طلبوا مني عمل كورسات أونلاين بسبب بعدهم عن محل إقامتي.
وحاولت فيها تقديم منتج يقارب المنتج العالمي لكن
في حدود أمكانيتنا وخامتنا المتوفرة محليا .
حاولت تنفيذ الجذع بطريقة سهلة وغير مكلفة ، وكمان قواعد التثبيت اللي بتكون عقبة عند المبتدئين بسبب تكلفتها العالية ، اللي بتغلي سعر الوردة وده مش مناسب لمجتمعاتنا.
فصلت الكورس الخاص بطريقة عمل القاعدة والجذع عن كورسات الورود بناء على رغبة متدرباتي السابقات.
الكورس عبارة مقاطع فيديو قصيرة لسهولة المتابعة أو إعادة المقطع الغير مفهوم.
في الكورس بشرح ليكي أدق التفاصيل علشان تقدري تتجنبي مشاكل التنفيذ قدر المستطاع.
الكورس مقسم على ٣ أجزاء:
الجزء الأول : أنواع الجذوع
وفيها بشرح مميزات وعيوب كل نوع
وطبعا طريقة التشكيل اللي بتعتبر من أهم مشاكل صناعة الورود الورقية العملاقة .
مع الاخذ في الاعتبار بالعيوب والمشاكل اللي بتواجهك أثناء التنفيذ.
الجزء الثاني: ورق الشجر
وده خامتين مختلفتين من الأوراق وطريقة تنفيذهم .
الجزء الثالث : قواعد التثبيت
وفيها شرح لأحجام وأوزان كل نوع ، مع طريقة عمل قاعدة سهلة بالمنزل من خامات رخيصة ومتوفرة في كل مكان .
أتمنى الكورس ينول رضاكم ويكون بدايتكم الحقيقية في عالم الورود الورقية.
نون، سر الورد المكنون.