600 Essential English Words

الكورس ده عبارة عن ايه ؟

عبارة عن ترجمة وشرح اول كتاب من سلسلة ال 4000 كلمة

الكتاب الاول ده فيه 30 وحدة ، كل وحدة فيها 20 كلمة بمعناها بمثال عليها ، وقصة بتضم ال 20 كلمة دول

يعني الكتاب بيحتوي على 600 كلمة موجودين في 30 قصة

وطبعا انت هتقابل كلمات في القصص مكنتش عارفها ، ف هتستفيد اكتر من 600 كلمة ان شاء الله

.
هتلاقيني ف كل فيديو مترجم Unit كامل في 10 دقائق بس ، يعني الكلمات بمعناها بالامثلة اللي عليها ، وكمان القصة

وبعد كل فيديو ترجمة ، هتلاقي فيديو صغير للتدريب على استماع القصة وفي نفس الوقت تدريب على قراءتها بصوتك ، وده بيكون عن طريق جمل صغيره عشان تقدر تتدرب بسهولة " لتوضيح الجزئية دي اكتر : اول ما هتشغل الفيديو هتلاقي الجملة بتتقال من غير ما تكون ظاهرة على الشاشة ، وبعد كده الجملة بتتقال تاني وهي ظاهرة على الشاشة بحيث تتاكد اذا كنت سمعت صح ولا لا ، بعد كده بديك فرصة 5 ثواني انك توقف الفيديو وتنطق الجملة بصوتك زي ما سمعتها ، لو عملت كده في ال 30 Units ، هتلاقي الاستماع والنطق وسلاسة التحدث عندك اتطوروا جدا جدا " 

بعد ما تخلص كل Unit ، روح خش على ال Application بتاع الكتاب ، وحل الاسئلة اللي على ال Unit "هتفرق معاك جدا على فكرة"

.
الكورس موجه للناس اللي صعب عليها تترجم كتاب زي ده لوحدها

وموجه للناس اللي بتكسل انها تذاكر لوحدها كتاب زي ده وعايزين حد يوفر عليهم وقت ومجهود

.

قبل ما تشترك في الكورس شوف اول Unit عشان تشوف طريقتي ف الشرح ، وتشوف هل ده هيفيدك ولا لا

وهتلاقيني قايلك في فيديو المقدمة ازاي تعرف ايه هما ال 600 كلمة دول ، عشان لو كنت عارفهم ما تشتركش في الكورس على الفاضي