Science Communication

مش فاهم!!... مستر انا حبيت المادة بسبب حضرتك... يعم دا أنا قررت ادخل ادبي بسبب مدرس كرهني فالعلوم... هما العلماء مجانين؟

كتير مننا حبوا او كرهوا مواد دراسيه بسبب اللي شرحها لهم...

عامة الناس غالبا مش بتكون فاهمة ايه اللي بيعمله العلماء او ايه اللي بيقولوه

وهنا ييجي دور التواصل العلمي وهو حلقة الوصل بين العلماء و عامة الناس.

تفتكر العلوم فعلا مملة؟

فالواقع لا، اطلاقًا!

لكن زي ما قال والتر لوين: "أولئك الذين جعلوا من الفيزياء شيئًا مملاً، مجرمون! " (وطبعا مش الفيزيا بس بل كل العلوم)

الفكرة معتمدة علي انت بتتعلم ازاي.

وعشان العلوم فعلا ممتعة و حق اي حد انه يفهمها، ظهر مؤخرا مصطلح التواصل العلمي - Science communication

و هو إنك تقدر توصل فكرة علمية لاي حد قدامك، مهما كان سنه او خلفيته العلمية

ولكن المهم، يكون مستمتع و تكون زرعت جواه الشغف انه بعد ما تخلص، يدور و يعرف اكتر ⁦بنفسه

هنتكلم بإذن الله عن مواضيع مختلفة تفيد المجال زي المهارات و غيره زي ما هو موضح في أسماء المحاضرات

كمثال: (مهارات تقديم العروض - Presentation skills و لغة الجسد - Body language / مهارة الإقناع / إلخ...)

دا غير اننا مش هنسيبك تايه بعد الكورس بل هنعرفك ايه الخطوة الجاية و ايه اماكن الشغل في المجال و مسابقات و أنشطة طلابيه هتساعدك جدا فالكارير بتاعك إن شاء الله.

كمان التواصل العلمي مهم لان NASA مؤخرا صنفت ال Communication & Presentation skills ضمن المهارات اللي مهمة تكون عند رواد الفضاء، عشان رواد الفضاء مهم يكون ليهم مظهر قوي (وطبعا المهارتين دول اساسه).

و لان من اكتر الحاجات اللي بتشجع فالطريق للحلم هو سماع قصص ناس ناجحة فالمجال وتجاربهم وخبراتهم فالطريق وبعد الوصول...

فـ وانت فالفضاء فالمستقبل ان شاء الله تقدر تشرح غرض التجارب اللي بتعملها وحياتك فوق وتحبب الناس فالمجال.

دلوقتي جت لك الفرصة تكون رسول للعلم و تشرحه بشكل ممتع تحبب الناس فيه ويكون لك بيه صدقة جارية؛ جاهز؟!!!