كيف تبدأ على تيك توك وتحقق ملايين المشاهدات وتحولها لأرباح

لو أنت عايز تتعلم كل حاجة عن تيك توك وتعرف تعمل فيديوهات قوية جدا وتجيب مئات الالآف ويمكن الملايين من المشاهدات فأنت في المكان المناسب,

فيه قسم المقدمةهنتكلم عن إيه هو تيك توك وإزاي تقدر تستفيد منه, وإيه هو الهدف من الكورس وإزاي تطلع بأحسن نتيجة من الكورس.

بعد كده أول قسم هنتكلم فيه عن حاجة مهمة جدا وهي إزاي تختار المجال اللي هتعمل عنه فيديوهات

ثاني قسم هنتكلم فيه عن إزاي تعمل حسابك في تيك توك وإزاي تظبط البروفايل بتاعك بحيث يبقى شكله كويس والناس تقدر تفهم أنت إيه محتواك وإزاي تشد الشركات عن طريق البروفايل بتاعك أنهم يتواصلوا معاك علشان تعمل دعايا لمنتجاتهم.

القسم الثالث هنتكلم فيه عن الطرق اللي تجيب بيها أفكار لفيديوهاتك, المواقع والأدوات اللي تساعدك على أنك تجيب أفكار.

القسم الرابع هنتكلم فيه عن أول وأحد المراحل في عمل فيديو على تيك توك وهي مرحلة كتابة السكريبت للفيديو, هنتعلم مع بعض إزاي تعمل سكريبت قوي يخلي المشاهد يوقف تقليب ويتفرج على الفيديو بتاعك ويكمله للآخر.

القسم الخامس هنكمل شغل على الفيديو بتاعنا ونتعلم إزاي نخلي فيه إضاءة كويسة في الفيديو بتاعنا, وإزاي نصور فيديو بجودة كويسة, وإزاي نسجل صوت بجودة كويسة للفيديوهات بتاعتنا, وبعد كده هنخش على أهم مرحلة في العملية وهي مرحلة المونتاج, إزاي ممكن تحول الفيديو بتاعك من فيديو مفيش حد عايز يشوفه لفيديو يجيب مئات الآلاف ويمكن الملايين من المشاهدات.

القسم السادس هنعرف فيه إزاي نعمل رفع للفيديو على تيك توك وإيه الحاجات اللي تعملها لما ترفع فيديو علشان يجيب مشاهدات, وهنعرف شوية حاجات مهمة لازم تاخد بالك منها بعد ما تنزل الفيديو على تيك توك.

القسم السابع هنتكلم فيه عن أهم النصائح للنجاح على تيك توك.

القسم الثامن هنبص فيه مع بعض على حساب تيك توك بتاعي ونشوف ايه الفيديوهات اللي فرقت معايا جامد وخليت حسابي ينط جامد ونحلل مع بعض ليه ده حصل.

والقسم التاسع وده قسم بونص ليكم علشان اشتركتم في الكورس هنتكلم عن إزاي تعمل فلوس من تيك توك.