أنواع الفكرة وكيفية التعامل معها

هنااك,, ثلاثة أنواع من الأفكار..

نوع بيمثل 80% من أفكارنا, ودا اللي معمول علشانه هذا الكورس,, واللي بتعالجه, أو بتكون سبب في معالجته الممارسات التأملية,

والنوع التاني بيمثل 15% ودي مش أفكار علي أد مـ هيا معتقدات, ممكن تكون حصلت بسبب مواقف صعبة, وصادمة وغير متوقعة, فخلقت فينا أنماط تفكير غير صحيحة, وخلتنا نشوف ونفسر الناس والحياة والمواقف بشكل مشوه, الدراسات العلمية وصلت لحد 15 نمط من هذه الأنماط,, أكيد إحنا مش هنفصلها ونفندها,, في هذا الكورس فالموضوع محتاج لكورس كامل ومفصل,

لكن هنذكرها, ونعرفها,, من باب: معرفة الداء, نصف الدواء,,

والنوع التالت: من الأفكار بيمثل 5%, 5% نسبة شكلها قليل, لكنها بتوجع أوي, ولو مقدرناش نتجاوزها, بتفضل معلمة فينا, بكسر, أو بجرح, والجرح يتفتح في كل مرة, وبينزف مع كل كلمة, أو موقف, أو ذكري تقرب منه, بيفضل يتفتح من تاني, وينزف ألم من تاني, بعد مـ كنا قربنا نسينا..

ـــــــــــــــــــــــــــــــــــــــــــــــــــــــــــ

النوع الأول: وهو أخطر الأنواع.. ودا لوحده بيمثل 80 % من الأفكار ونوعية الأفكار اللي بنتعرض ليها..

هذه الأفكار,, بتتضمن,,, ما أشار إليه الباحثين والعلماء بإنه من 50 إلي 60 ألف فكرة يومياً بتمر علينا.. يومياً..

.....

والأفكار دي هيا اللي بتجيلك بشكل متكرر وتلقائي من عقلك الباطن,, أو من ناس حواليك عمال تحبطك أوتتنمر عليك فكرياً,, أو أفكار خواطر بتعدي عليك ..

......

الدراسات في الغرب بيسمي النوعية دي من الأفكار بإسم الطيار الألي Auto Pilot .. أفكار طيارة شغالة بشكل ألي,, ومبتهمدش... وحتي وانت نايم,, شغالة..

في الشرق الأسيوي.. سموها إسم غريب جداً.. سموها The Crazy monky القرد المجنون.. ... ولو فكرت فيها شوية.. هتلاقيها فعلاً.. عمال تنط من شجرة,, لشجرة,, بعشوائية, وبجنون....

أما في ثقافة العرب والمسلمين.. فاستمدوها واستنبطوها من كلام النبي صلي الله عليه وسلم.. وإن الأفكار دي مصادرها مختلفة.. إما بتكون حديث نفس.. يعني من العقل الباطن.. أو بتكون وسوسة شيطان.. والشيطان دا.. مخلوق من الجن,, لديه وعي,,, وهو,, أقل ذكاءً من البشر,, لكنه عبارة عن موجات تحت حمراء, وهي موجات نارية,, لا تري بالعين المجردة, هذا النوع من الجن علي دراية وعلم بتقنية إسمها تقنية التخاطر, ومن خلال هذه التقنية.. يستيطع هذ المخلوق أن يبث الأفكار إلي الإنسان البشري,,

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أما النوع الثاني, فدا مش أفكارمعينة,, أو أفكار بتتبع مواقف معينة,, 15 في مالمية .. لكنها نمط تفكير ..طريقة التفكير نفسها.. الأسلوب اللي بنفكر بيه..

.. بيبقي تفكير مشوه, وغير منطقي,, تفكير مغلوط, ومش صح ..بيحسبها.. زي مثلاً إني مش بشوف إلا الجانب السلبي من أي موضوع.. بيبص علي نص الكوباية الفاضي,, إبنها جاب 9 ونص من عشرة.. فتفضل مركزة هوا النص درجة راحت فين.. وضيعتها ليه.. مهو لو إنت بتركز مكانتش ضاعت.. والنمك دا من التفكير إسمه Filtering التصفية..
سنتعرف في هذا الكورس ضمن محاضراته على بقية الأنواع..

ــــــــــــــــــــــــــــــــــــــــــــــــــــــــــــــــــــــــــــــــــــــــــ

النوع الثالث زي مـ حنعرف إن أغلب الأفكار ملهاش سبب حقيقي,, لكن النوع دا أبو 5% في الغالب ليها سبب حقيقي,,

صدمة عنيفة ومفاجئة زي: إبنها مات.. أو حد عمل حادثة فـفقد بصره.. أو واحد خسر كل فلوسه,,, فجأة,,, ورجع للصفر.. أو خزلان الصديق وبعده,, فجأة,, بسبب أو بدون سبب.

أو ممكن يكون السبب أي حاجة حصلت في الماضي فعلاً,, وسببت حزن عميق,, ومش قادر أنساه,, مش قادر حتي أبطل تفكير فيه..

أو ممكن,, إن النوع دا من الأفكار,, ميكونش ليها سبب ... حصل.. ومفيش حاجة حصلت أصلاً,,,, بس خايفها تحصل,,, ومسببالي قلق شديد,, وخوف شديد,, خوف وقلق.. مش قادر أسيطر عليه.. خوف من بكرة,, بيهزمني, في كل مرة,,, وبيعطلني.. ومكدر عليا حياتي..

يعني.. بإختصار,, إن في فكرة مسببة لألم شديد.. الألم دا إما حزن علي ماضي بسبب موقف أو حادثة أو,,,,,,, خوف من مستقبل..

,, اولاً إذا كان حزن هنتعامل معاه إزاي؟
هذا ما ستجيب عنه المحاضرة الأولي من هذا الكورس
.

شكرا لكم.. أترككم مع الكورس..