الانيميشن المعماري ماكس و فيراي (المرحله الاولى)
(طريقة عمل انيميشن معماري محترف خطوة بخطوة.
What you will learn
تقنيات الانيميشن المعماريه اللي ممكن تتعلمها في شركات الانيميشن
اساسيات الانيميشن في برنامج ثري دي ماكس
ازاي تعمل فيديوهات مبدئيه بسرعه قبل ما تشوف الرندر
ازاي تتعامل مع العملاء وتقدر تحسب السعر والوقت
ازاى تحدد مسارات الكاميرا بتاعتك
حركات الكاميرا اللي بيستخدمها المخرجين المحترفين
ازاي تنتج فيديو مبداي لاخذ موافقة العميل باستخدام برنامج after effects
Description
اهلا بكم في الكورس الانيميشن المعماري باستخدام ثري دي ماكس والفيراي
في الكورس ده هنتعلم ازاى نعمل انيميشن خطوه بخطوه
في الكورس ده عايزين نتطور من عمل صور ثابتة الى انيميشن رائع
الكورس مبني على مشروع حقيقي انا اشتغلت فيه عباره عن ثلاث فلل في مكان قريب من لندن اسمه كومبى جرين
انا سهلت العمليه دي الى خطوات بسيطة تقدر تطبقها في اي مشروع معماري
وهنبتدي من ازاي تتعامل مع العميل
لحد ما تسلم الفيديو النهائي
الكورس في كم كبير من النصائح والخدع والتقنيات اللي هتخليك توفر وقت كتير جدا وتحسن المنتج النهائي
الجزء ده هو المرحله الاولى من ثلاثة مراحل.
المرحله الاولى هي التخطيط للشغل
تصميم الستوري بورد
رسم مسارات الكاميرا
اساسيات التحركات في الماكس
تحريك الكاميرا بشكل محترف
انتاج فيديوهات مبدئيه
-------------------------------------------------------------------------------------
هل عمل ثري دي انيميشن حاجه صعبه؟
هي مش حاجه سهله... لكن
سهلنا عملية الانيمشن الى خطوات بسيطه تقدر تنفذها على اي مشروع معماري
علشان نسهل الموضوع اكثر قسمنا الموضوع اللي ثلاث كورسات ودى المرحله الاولى
هنستخدم اساليب معينه علشان نخلى العمليه التعليميه احسن زي:
اننا نسرع الفيديوهات لما هنلاقي حاجه بتاخد وقت طويل او بنكرر العمليه.
مش هتحتاج نستني ثمان ساعات لحد ما الرندر يخلص عشان تعرف معلومه.
كل المحاضرات فيها رسوم توضيحيه و زووم و مؤثرات صوتيه
كل المحاضرات مسجله بمايكروفون احترافي بدون اي تشتيت
متضمن ملفات وورد و pdf
متضمن فايلات رندر جاهزه
اي اسئله في قسم الاسئله والاجوبه حنحاول نجاوب عنها باسرع ما يمكن
بالتالى سلسله كورسات الماكس والفيراي دي تختلف عن الكورسات التانية
--------------------------------------------------------------------------------------------------------------
ليه الانيميشن المعماري
اداه تسويق رائعه : الانيميشن المعماري هي اداه رائعه بيستخدمها اصحاب المشاريع لتسويق مشاريعهم و بيتـدفع فيها فلوس كتير لاظهار المشاريع.
اسلوب اقناع رائع: المصممين و شركات العمارة الكبيرة بيستخدموا الانيميشن علشان يبهروا ويقنعوا العملاء وعادتا العملاء دول بيكونوا المستثمرين الكبار و المؤسسات الحكومية
اضافه كويسه لسابقة الاعمال : باستخدام الانيميشن بنقدر نبين سابقة اعمالنا بطريقة احسن واننا نعرض مشاريعنا كافلام بيدي تاثير مبهر للمشاهدين
شغل ممتع: حاجه ظريفه انك تشتغل على فيلم للتصميمات بتاعتك خصوصا لو انت بتحب الماكس
ليه عملت الكورس ده؟
وانا شغال في شركات الانيميشن تعلمت معلومات قيمه كثير جدا وحابب اشاركها معكم
-----------------------------------------------------------------------------------------------------------------------------
ايه اللي خلاني اعمل الكورس ده؟
اول ما بدات اتعلم كنت دائما مبهور بافلام الانيميشن, وكنت دائما عايز اتعلم ازاي بتتعمل, فبدات ادور اون لاين عن مراكز تدريب بتعلم انيميشن لكني ما لقتش حاجه كويسه, وبعد كده جاءت الفرصه اني اشتغل في شركه انيميشن صغيرة, فسبت الشغل كمعماري و اشتغلت في شركة انيميشن, الشغل في شركه صغيره اداني فرصة اني اقدر اتعلم اكثر, و جزء من الشغلانه ان انا كنت اقابل العملاء, وانى اعمل الستوري بورد, واني اعمل التصميم و الريندر وحتى المونتاج
---------------------------------------------------------------------------------------------------------------------------
ازي الكورس ده يساعدني؟
المعلومات اللي هتتعلمها هنا فعلا قيمه, وكل مرحله فيها مجموعه خدع صغيره هتوفر لك وقت وفلوس ومجهود
وشغلتي انى اوضح ده و اقدم احسن الحلول, وبرده هحاول اوضح التعامل مع العملاء وتنظيم الشغل.
---------------------------------------------------------
المرحله دي رغم سهولتها لكنها اهم واحده فى مراحل انتاج انيمشن
ولو قدرت تخطط كل حاجه بشكل كويس , هتعمل افلام رائعه
اتمنى انكم تستمتعوا بالكورس.